هلي بية درو كمت اني احبك
ودرو بس انت تلفتلي انتباهي
هلي يدرون من تزاعل وياي
اظل اصرخ رحمتك يالهي
* * *
هلي نشدوني عنك وكلت بالروح
ونشدوني عللى روحي وكلت ماهي
وانت هوااااي متغير هالايام
والبراسك حجو اني عرفتهم
نفسهم همة اجو وتقربولي
دكو باب كلبي وطردتهم
* * *
ليش لان تقديرك انت فوك عالراس
احطهم وين انة لو قدرتهم
انت انت ماتجي بس اني اشوفك
وهمة شكد اجو بس ماشفتهم
* * *
لجل حالك انة بهذلت حالي
وحالي يكووول يلة المهم حالك
ودلالك زاد زيدلي اذيتي
واذيتي جمالة هم تحب دلالك
يشابع نوم والله قراية قاريك
مدري شمالي وادري شملك
* * *
كالولك كبل عندي علاقات
غيرك عاشك اني هواية اسامي
عشكت غيرك نعم بس تدري شلون
عشكتهم مو صدك وانة باحلامي
* * *
واني عندي قصد حبيت غيرك
حتى امتلك خبرة في غرامي
صار سنين احضر واقرة لهواك
وصار سنين احظر في كلامي
لان ميصير احبك مثل غيرك
وانة الظامك لاخر ايامي
انة الحبيتهم جانو بروفات
حتى انت تظل مسك الختام
* * *
عليك اطوطحت صاحي مو سكران
وانة اول محب سكران صاحي
دوام اهل المدارس وكت واحد
ودوامك بالكلب عصر وصباحي
الجمعة أغسطس 26, 2011 4:46 pm
